Starfsendurhæfing Hafnarfjarðar

Starfsendurhæfing Hafnarfjarðar

Starfsendurhæfing Hafnarfjarðar er sjálfseignarstofnun sem sinnir atvinnutengdri endurhæfingu. Starfsemin hófst haustið 2008 og er til húsa að Flatahrauni 3. Upphaf starfsins má rekja til þróunarverkefnis Starfsendurhæfingar Norðurlands (SN) sem unnið var á árunum 2007 til 2009.

Þátttaka í atvinnutengdri endurhæfingu hentar fólki sem hefur af einhverjum ástæðum þurft að hverfa af vinnumarkaði eða ekki náð fótfestu þar og telur sig þurfa aðstoð við að bæta stöðu sína til þess að komast til vinnu (á ný).